148 كتاب هدية من جامعة أوكسفورد ليك!📚📖
لو أنت شخص بيحب القراءة أو عايز يحسن مستواه في اللغة الانجليزية أوعايز حاجة مفيدة تعملها في وقت فراغك يبقى البوست دا لك..😃
..
جامعة أكسفورد بتقدم 148 كتاب ببلاش مساهمة منها في تخفيف الملل عن الناس في فترة الكورونا.
⚫️إيه مميزات الكتب دي عن أي كتب تانية؟ 🤔
1️⃣نفس الكتاب متوفر بأكتر من نسخة حسب مستواك في اللغة
2️⃣مش لازم تحملهم ع الجهاز لو معندكش مساحة شوفهم أونلاين
3️⃣جودة عالية, يعني سهولة في القراءة وعدم إجهاد للعين
4️⃣متوفر صوت مع الكتب لو حابب تسمع
5️⃣الكتب ببلاش لفترة محدودة تنتهي 30 أغسطس, لكن أي كتب تانية موجودة على طول ع النت, فاستغل دول بقى قبل ما يبقوا بفلوس.
..
⚫️أعرف مستوايا في اللغة ازاي؟🤔
1️⃣ممكن ببساطة تختار بإحساسك أكيد انت عارف مستواك مبتدأ ولا متوسط وهكذا
2️⃣ممكن تعمل اختبار تحديد مستوى أونلاين
دا واحد كويس:
http://learnenglishteens.britishcouncil.org/content

..
دا بقى لينك الموقع اللي فيه الكتب:
https://www.oxfordlearnersbookshelf.com/
1️⃣هتعمل أكونت
2️⃣بعدها هتدخل ع الموقع بالإيميل والباسوورد
3️⃣بعدها هيطلعلك نتفكيشن بتقولك تحب تضيف الكتب المجانية لكتبك؟ أكيد هتوافق يعني وتقوله Add
..
وأخيرًا متنساش كلام الفيلسوف الصيني كونفوشيوس: “قل لي وسوف أنسى, أرني ولعلي أتذكر, أشركني وسوف أفهم”, لو طبقنا الكلام دا على اللغة يبقى هتفضل تحفظ كلمات وتنساها ومستواك مش هيتطور لكن ممارستك للغة والممارسة مش بس انك تتكلمها لأ انك تكتبها وتسمعها وتقرأها, ساعتها فعلًا هتتعلم.❤️
..

We_Are_Back #حلم7elm #7elmحلم

Sharing is caring!