أكتر ١٠ غلطات في الCV

كنت براجع CVs لحوالي ١٠٠ شخص الأيام اللي فاتت وأغلبهم Fresh grads ودي أكتر ١٠ غلطات شوفتها متكررة قولت أكتبها يمكن حد يستفيد.

1_ الايميل اللي بتحطه ف ال CV لازم يكون بروفيشنال بمعني بلاش إيميلات من نوعيه ko[email protected] مثلا ! انت كده بتدي انطباع سئ من قبل الاتش ار ميفتح السي في احسن حاجه يكون اسمك ثنائي و ممكن معاه رقم …وطبعا لازم يكون الايميل الشخصي مش ايميل الشغل

2_ شيل الصورة و لو هتحط صورة لازم تكون بروفيشنال برضه خلفيه ساده و يستحسن اللبس يكون بالوان محايده بتبين راسك والكتف بس و بلاش صور مفتعله(خاصه البنات) لانها بتقلل وتكاد تمحي فرصه ان حد يكلمك.

3_ استخدام لون ال black في الكتابة و افضل font تكتب بيه هو Times New Roman و size هيكون 12 وال Headlines تكون bold وممكن بلون بس بلاش ألوان فاقعة.

4_ ميكونش اكتر من صفحة صفحتين Maximum؛ اي اتش ار بيبص علي السي في مش اكتر من دقيقة او اتنين الكلام الكتير مش مطلوب الاختصار بشكل مظبوط نقطه قوه ليك.

5_ لازم تكتب بياناتك كاملة و صح دا مهم جدا زي منطقة السكن ورقم الموبيل ( لازم تحط رقمك الشخصي مش شغل حالي مثلا) لان كتير بكلم ناس بيكون الرقم غلط او رقم شغل بس هو خلاص سابه ومنطقة السكن مهمة لان في شركات بتكون عايزه ناس ساكنه ف اماكن معينه و لازم تاريخ ميلادم
لان في وظايف بتشترط
Minimum or maximum age
وبتكتب حالتك الاجتماعيه
لو ولاد لازم تكتب موقفك من الجيش ايه.

6_ حاليا لازم السي في يكون بالانجليزي ومينفعش يكون في اي غلطه ف الكتابه او Grammar لو مش قوي ف الانجليزي احسن تخلي حد يراجعلك عليه قبل متبعته لاي شركه دي نقطه مهمه جدا.

7_ مش مستحب تعمل outlines او زي اطار للسي في …اوال Forms اللي كلها اشكال هندسيه و قلوب و اسهم دي مش لطيفه خالص كل مكان Simple كان professional اكتر.

8 _ لازم تكتب مهاراتك و تتكتب صح بدون تقليل او مبالغه عشان متحطش نفسك في موقف محرج او تضيع وقت الاتش ار برضه زي لازم تكتب مستواك ف ال English مظبوط وال computer Skills برضه لان اوظايف كتير بتكون طالبه مستوي معين منهم مينفعش يعملك انترفيو او Test وانت كانت انك Fluent in English وتطلع good مثلا !! ودا بقابله كتير.

10- لو معاك رخصة سواقة إكتب ولو معاك عربية إكتب فيه شركات دلوقتي بقت بتحتاج إن المتقدمين يكون معاه رخصة سواقة.

11_ اخر حاجه لازم السي في بتاعك يكون متقسم ل sections و كل section هو القسم اللي هيندرج تحته معلومات معينة عنك الEducation مثلا وده ال Section اللي تحتيه هتكتب بيانات عن الكلية والتخصص وسنة التخرج.. و اي دبلومات او ماجستير ( الأحدث ثم الأقدم). ده الترتيب اللي متعارف عليه لمعظم الشركات:
Name:
Address:
Mobile:
Email:
1- OBJECTIVE
2- EDUCATION
3-WORK EXPERIENCE
3.1 Job title,
3.2 company name
3.3 responsibilities:
4-TRAINING COURSES
5- PROFESSIONAL SKILLS
5.1Languages:
5.2 hard skills
PERSONAL SKILLS
10_ اخر حاجه لما تبعت السي في لشركه لازم لازم لازم تكتب ف ال Subject انت مقدم علي ايه او هتكون معرض بنسبه كبيره ان السي بتاعك ميتشفش اصلا مثلا زي Sales representative يعني ( اسم ال position) اللي مقدم عليه طبعا علي حسب الوظيفه ويستحسن برضه تكتب حاجه ف ال body ).

طبعا في غلطات تانيه بس دي ابسط الحاجات السهله اللي ناخد بالنا منها لان في CVs لانها حقيقي بتفرق و الله ولي التوفيق.

Sharing is caring!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *