إزاي تبدأ في مجال التسويق
بما إن الموضوع أصبح عليه الطلب كتير، كنت مستني أجمع المصادر كافية علشان أنزل بوست شامل مره واحدة، خليني أقول هاخدك في رحلة طويلة من بداية دخولك لحد تمكنك من المجال، البوست ده موجه لأي شخص ممكن يكون مشتت أو عاوز يبدأ مجال التسويق بشكل صح، من واقع اللي بشوفه ومن خلال إن ناس بتبدأ بالأونلاين قبل ما يكون عندها أسس العلم نفسه، وهنا هيحس بحالة تشتت في بحر الكورسات التي لا تنتهي في المجال ده، أنا أسف أنى بقول كده يمكن ناس تزعل مني لكن أنا معرفتش الكلام ده غير من ناس قليلة اللي بـ تساعد بجد، لازم تبدأ في التأسيس بشكل صح والخطوات الأولى نقسمها لعناصر ونبدأ كمان بعد العناصر الرئيسية نتفرع في كل أعماق التخصصات كل ده هتعرفه في البوست الطويل.
مكانش عندي حل تاني فـ اللي مش فاضي ممكن يعمله save ويرجع يقرأه في أي وقت، ويلا بينا نبدأ…
1- قبل ما تتجه للكورسات لازم تقرأ في علم التسويق نفسه وده رابط تحميل أهم 5 كتب في التسويق، والكتب هي:
– الماركتينج بالمصرى حسام حسان.
– كوتلر يتحدث عن التسويق.
– التسويق للجميع.
– الماركتنج من الأخر
هو اسمه كده
– عن التسويق حسام حسان.
وده رابط التحميل :- https://bit.ly/2LX0BB7
2- بعد ما خلصنا الأساس وبقي عندك قدرة إنك تتجه للكورسات فيه في الحقيقة كورسات كتير، تشتت أي شخص، بس أنا هقولك المهم ثم الأهم.
3- ابدأ بـ كورس مهارات جوجل الرقمي، الكورس ده هتتعلم فيه أساسيات التسويق الإلكتروني مقسم كالأتي: 27 موضوع مختلف فيه أغلب أساليب التسويق الرقمي من سيو وكتابة محتوى وكيفية بناء الخطط التسويقية وقياس وتحليل الأداء واستخدام وإدارة القنوات التسويقية المختلفة.
لينك الكورس:- https://learndigital.withgoogle.com/maharatgoogle
4- كورس التسويق الداخلي Inbound Marketing في الكورس ده هتعرف طرق إنشاء المحتوى لمحركات البحث والسوشيال ميديا وأهم التكتيكات من أول كتابة المحتوي لحد ما تعمل ترويج للبوست، بلس كمان يعرفكم بشكل كبير إزاي تعمل خطط تسويقية، عاوز أقول كمان إن استراتيجيات المحتوى هي العامل المشترك في كل مراحل التسويق سواء كانت مسموعة أو فيديو أو إنفوجرافيك وفيها أنواع كتير من كتابة المحتوي اللي هتناسب كل بلاتفورم وكل منصة أنت هتسوق عليها، استهدافاتها مختلفة وشرائح وطبقات مختلفة وعامل الباير برسونا مختلف، ولازم تفهم كمان سلوكيات الشراء مهم جداَ إنكم تعرفه، وده هتلاقوه في كورسين مكملين لبعض في منصة hubspot.
لينك كورس Inbound
https://app.hubspot.com/academy/5847839/tracks/24/205/1657
لينك الكورس Inbound Marketing
https://academy.hubspot.com/courses/inbound-marketing?library=true
5- مرحلة تحديد الإحتياجات يعني إيه! المرحلة دي مجال التسويق متشعب منه أقسام وتخصصات كتير وأنت اللي هتختار التخصص بتاعك اللي هتكمل فيه بعد كده هكتب ليك التخصصات، وكمان الكورسات لكل تخصص هنبدأ بـ:-
1- السوشيال ميديا (Social Media) واللي هتعرف فيها:-
– تطوير إستراتيجية وسائل الإعلام الإجتماعية.
– الإستماع والمراقبة عبر وسائل التواصل الإجتماعي.
– بناء إستراتيجية محتوى وسائل التواصل الإجتماعي.
– توسيع نطاق وصولك على وسائل التواصل الإجتماعي.
– استخدام وسائل التواصل الإجتماعي لبناء علاقات.
– مقدمة في إعلانات وسائل الإعلام الإجتماعي.
– قياس العائد على الاستثمار.
– أساسيات النجاح المستمر مع وسائل التواصل الإجتماعي.
وده لينك الكورس بالإنجلش:-
https://academy.hubspot.com/courses/social-media?library=true
ولو عاوز حاجة بالعربي فده مناسب من منصة إدراك التسويق الإلكتروني – إدارة الحملات الرقمية المدفوعة ميزة الكورس كمان شامل كل البلاتفورم حتى محركات البحث:-
لينك الكورس:- https://courses.edraak.org/courses/course-v1:Edraak+DA+2018SP/course/
2- المحتوى التسويقي (Marketing content):- وده مجال بيتفرع منه كذا نوع من كتابة المحتوى وتخصصات وبيكون لها استراتيجيات محددة خطوات ولها خطط بتتعمل بها، والتخصصات هي:-
– الـ copywriter.
– الـ content creation.
– والـ content management.
– والـ copy editing.
وده لينك الكورس :- https://app.hubspot.com/academy/5847839/tracks/15/557/2843
وده كورس استراتيجية المحتوي:- https://app.hubspot.com/academy/5847839/tracks/61/112/115
3- التسويق عبر محركات البحث (Search Engine Marketing):- وده تخصص بينقسم منه كذا فرع تسويق وهما:-
– تهيئة محركات البحث (seo).
– إعلانات جوجل (google ads).
– التسويق عبر اليوتيوب (YouTube Marketing)
كورس تسويق محركات البحث :- https://bit.ly/2ZCKrEY
وده كمان كورس:- https://bit.ly/2XyDy4J
وده كمان كورس بالعربي:- https://courses.edraak.org/courses/course-v1:Google+SEO+2019SP/course/
– وده لينك كورس اليوتيوب ماركتنج:- https://app.hubspot.com/academy/5847839/tracks/53/435/2422
4- الإيميل ماركتنج (Email marketing):- التسويق عبر البريد الإلكتروني من أكثر المجالات المهمة وأقدمها ومهمته الرئيسية إنه يستهدف العملاء المحتملين لزيادة عدد المبيعات الشركة أو زيادة الزيارات للموقع الخاص بيك، كل اللي مطلوب منك تعرف تعمل إستراتيجية واضحة لرسائل البريد الإلكتروني وإدارة الحملات عليها وإزاي تعمل تحليل للرسائل اللي هتبعتها للعملاء الدورة دي مهمتها تعرفك كل ده.
وده كورس الإيميل ماركتينج:- https://academy.hubspot.com/courses/email-marketing?library=true
وده كمان كورس:- https://www.coursera.org/courses?query=email%20marketing
وده فيديو لـ نورا سعد من أكتر الناس اللي بحب اسمعها:- https://www.youtube.com/watch?v=r6EW6Zfl9NM
5- الأفليت ماركتنج (Affiliate Marketing):- المجال ده عموما مربح جداً والخلاصة بتاعته هو نظام يقوم على تبادل المنفعة بين صاحب الخدمة أو المنتج وبين المسوق وأنت كـ مسوق بتقدم طلب لشركات اللي بتقدم النوع ده من الخدمات، إنك تقدم طلب بفتح حساب على سوق و جوميا أو أمازون وتبدأ تشوف إيه اللي الناس بتدور عليه وتجيبه بسعر رخيص، وتعيد إنك تبيعه مقابل عمولة على كل عميل هـ يشتري من اللينك اللي أنت شاركته معها سواء على الويب سايت بتاعك أو على حسابات السوشيال ميديا أيا كان الوسيلة اللي بتستخدمها وده نظام مصغر من فكرة E-Commerce.
وده كورس عن الأفليت ماركتنج:- https://www.emarketinginstitute.org/free-courses/affiliate-marketing-certification-course/
هتسجل بالبريد بتاعك هيدليك كتاب تقرأه وبعد 24 ساعة هيبعتوا ليك على الإيميل الباسورد وكلمه الدخول للكورس بعد ما تخلص الكورس هتاخد شهادة ونسبة النجاح في الكورس من 50%.
لو عاوز كورس بالعربي الحقيقة في الموضوع ده بالذات معنديش عنه معلومة لأن دورت كتير فيه بس الكورسات قديمة شوية فـ اللي عنده مصدر موثوق بالعربي ياريت يكتبه في الكومنتات وأنا هحدث البوست به.
6- التجارة الإلكترونية (E-Commerce):- هو بإختصار تبادل السلع والمنتجات عبر الإنترنت حتي التجارة الدولية زي ما بدأت أمازون من 20 سنة كانت بتبيع كتب، شوف حجم التجارة أو حجم منتجات أمازون حالياً، كل الحكاية ببساطة شديدة إن التجارة الإلكترونيه قايمة عليه كونك واحد عندك منتج ممكن تسوقيه أونلاين والناس تشتري منك بطرق الدفع اللي تحددها سواء علي الويب سايت أو علي مواقع التواصل الإجتماعي والعالم يتجه بقوة أكثر في النوع دا من التسويق مفيش نشاط تجاري هيكون معندوش أي وسيلة أونلاين يبيع عليها منتجاته الفيسبوك اخيراً من كذا يوم أعلن عن خاصية البيع والشراء مباشر عبر تطبيقات الفيس بوك وانستجرام وفكرة التحديث هو مساعدة الشركات الصغيرة والمتوسطة للبيع المباشر في ظل أزمة كورونا الموضوع طويل بس الفيس بوك سهل الحياة للتجار الصغيرين إنهم يـ بيعوا و يستلموا فلوسهم في نفس وقت طلب الاوردر.
ودا موقع مليان كورسات فري للتجارة الالكترونيه:- https://alison.com/courses/e-commerce
ودا كورس بالعربي لنورا سعد كمان في الموضوع دا:- https://bit.ly/3bZnqi4
7- – تسويق عبر الموبايل (mobile marketing):- هو عملية التواصل أو الربط بين ( المعلنين , أصحاب المنتجات و الخدمات ) وبين العملاء أو تطبيقات وأجهزة المحمول ومن أهم استخدمات، الأدوات التسويق عبر الهاتف.
– رسائل الـ sms.
– تطبيقات الهواتف زي (واتساب – فايبر – تيليجرام – إيمو).
– رمز الإستجابة السريعة QR codes.
– صفحات الإنترنت المتوافقة مع الهواتف.
– الإعلانات المدفوعة على الموبايل Google Adwords.
وده كورس الموبايل ماركتينج:- https://bit.ly/3c6T7Gn الموقع ده هيديلك Access فري لمدة شهر تقدر في أي وقت تعمل إيميل وتسجل تاني.
8- البراندينج (Branding):- عندنا في التسويق 4 عناصر أساسية اللي هي المزيج التسويقي -Marketing Mix (Product -Price -Promotion -Place) والمنتج هو اللي تختص بيه دلوقتي البراند لأنه جزء أساسي من المنتج يعني ببساطة هي الطرق و الاستراتيجيات اللي هتستخدمها عشان يبقى عندك هوية واضحة للـ براند بتاعك، علشان في النهاية تشجع العملاء لشراء المنتج ويكون عندهم ولاء للبراند ده، و تكبر عدد العملاء لأقصى درجة ممكنة وربطهم بالبراند علشان ترفع القيمة السوقية للبراند.
وده كورس كامل عنه:-https://bit.ly/2X3U4L6
واللينك ده كمان علية مجموعة كورسات عن البراندينج:- https://bit.ly/2TLRaZA
وده كورس بالعربي:- https://bit.ly/2LZjNy0
وده مقدمة في علم البراند:- https://bit.ly/3d9NYhO
ودي كانت أهم 8 تخصصات في مجال التسويق أنت مطالب تعرفهم كلهم؟ لأ طبعا بس يكون عندك خلفيه عنهم ولو بسيطة عامية يعني واتخصص براحتك في المجال اللي تحبه وشايف نفسك فيه.
نيجى بقى لحاجة مهمة كمان البلاتفورم المختلفة كل منصة ولها طريقة معينة في التسويق بمعني لازم تعرف كل حاجة عن المنصة اللي هتشتغل عليها وتعرف أنت بتارجت مين وهل الأودينس اللي هـ تستهدفهم عليها ولا لا.
– فيس بوك وانستجرام منصتين مرتبطين ببعض لحد كبير وممكن تعرف عنهم كل حاجة من خلال الكورس ده من المصدر الشركة نفسها الفيس بوك:-
من اللينك ده: https://ar-ar.facebook.com/business/learn
– تويتر:- https://business.twitter.com/en/basics.html
– سناب شات:- https://business.twitter.com/en/basics.html
وده:- https://forbusiness.snapchat.com/
– لينكد إن:- ميزة الرابط الكورسات اللي هنعرضه، إن منصة كورسات لينكد إن نفسها عليه كورسات كتير في التسويق الرقمي وكل كورسات المنصات التواصل الإجتماعي بس هو مش فري غير لمدة شهر وبعد كدة لازم تشترك معاهم، الحل إنك كل شهر تعمل إيميل وتستخدمة تفتح من عليه الكورسات اللي محتاجها أو تشترك.
وده اللينك:- https://ae.linkedin.com/learning/
– جوجل:- جوجل كمان عندها مجموعة كورسات في التسويق والبزنس في منصة اسمها جوجل جراج تستفيدوا منها كتير.
ودا اللينك جوجل جراج:- https://learndigital.withgoogle.com/digitalgarage/courses
– بلس إن جوجل عندهم أكاديمية للتحليلات كاملة فيها أدوات قياس الأداء كاملة تمكنك من جمع البيانات وتحليلها لتنمية النشاط التجاري أياً كان نوعه ومن ضمن الأدوات دي:-
– الخطوات الأولى في برنامج Google Analytics 360.
– تحليلات جوجل للمستخدمين المتميزين.
– تحليلات جوجل المتقدمة.
– تحليلات جوجل للمبتدئين.
– أساسيات برنامج إدارة العلامات التجارية من Google.
– مقدمة إلى Data Studio.
وده لينك الأكاديمية:- https://analytics.google.com/analytics/academy/
– في مبادرة من ITIDA و UDACITY لتعليم الديجتال ماركتنج والفري لانس EGFWD.
وده لينك المبادرة:-
http://egfwd.com/enroll-now/?utm_source=arabic-enrollnow&utm_medium=arabic-email-all&utm_campaign=arabic-enrollment-FWD
واخيراً هسبلكم لينكات جروبات وبيدجات تقدروا تتابعهم و تتعلموا من محتوى اللي بيقدموه:-
– جروب عبر بالمحتوى بتاع محمد ياسين ودا جروب هدفه يعلم الناس كتابة المحتوي بجميع أنواعها وده لينك الجروب:- https://www.facebook.com/groups/contentify/?ref=share
– جروب صنايعية المحتوى بتاع الجميلة راندا معتز:- https://bit.ly/2X38afU
– بيدج ذا كوبي رايتر بردو بتاع راندا معتز هيعرفك كل حاجة عن الكوبي رايتر وبـ تستضيف ناس ملهمين بث مباشر وهناك عظمة كتير :-
https://bit.ly/2LZDYf5
– بيدج بتاع كويبز للمهم أحمد العشري هيعرفك حاجات كتير عن الكوبي بطريق مبسطة وعن استراتيجيات المحتوى بكل أنواعها وبينزل دراسة حالات عن نجاح برندات واستراتيجيات في الماركتينج، وأسس اللي تمشي عليها وأنت بتقوم بعملية كتابة المحتوي وحاجات كتير حلوة وده لينك الجروب:- https://bit.ly/2ZH2xFK
وده لينك البودكاست:- https://bit.ly/2XlzWmw
– جروب وبودكاست 5 بزنس للتقيل يوسف اللي بتكلم فيها عن استراتيجيات نمو الشركات وطرق بيع المنتجات وإزاي تعمل إعلانات ممولة بطريقة موفرة وتحقق نتائج وغيرها من الحاجات الحلوة والبسيطة وده لينك الجروب:- https://bit.ly/2TIxCFe
وده لينك البودكاست:- https://bit.ly/3c2ZVVo
– جروب ليرن ديجيتال:- وده بيدج بتقدم محتوي وكورسات في مجال ديجيتال ماركتنج وبتقدم دراسات حاله كتير عن برندات وطرق واستراتيجيات النجاح البرندات وبعض التكتكات في التسويق مهمة جداً وصاحب البيدج أحمد الحسيني:- https://bit.ly/2X2LdcG
– بيدج ميديستا :- بتاعت المبدعة أروي وهدفها تحليل الإعلانات وعلم السوشيال ميديا ككل وعملوا بودكاست كمان علشان تتمزج
وده لينك البيدج:-https://bit.ly/2X6Mb7R
لينك البودكاست:- https://bit.ly/2M49QiU
– وماتنسوش تقروا سلسة بوستات يوسف حسن الجميل من هنا اللي بيخدك في رحلة طويلة عن الديجتال ماركتينج والخطط التسويقية وغيرها كتير من الحاجات الحلوة.
وده لينك السلسلة:- https://bit.ly/3c7itE3
وبكده نكون انتهينا وقدمنا تصور كامل عن المجال من خلال المصادر والخطوات، أتمني من الناس تسامحنا على طول البوست لكن الموضوع يستاهل إنك تبدأ، خليني أنوه لحاجة كمان يمكن تكون مصادر التعلم مختلفة من شخص لتاني فيه مصادر كتير بس أنا حاولت انقي الفري اللي مش محتاج أنكم تدفعوا فيه أي فلوس، واللي يقدر يتحمل تكلفة كورس يبحث عن منصات بنفس اسم الكورس هيلاقي مدفوع بس أي كورس في الدنيا مهما كان المضمون اللي جواه بيديك 50% والباقي تطبيق عملي بايدك يعني لازم تنزل شركات تتمرمط شويه حلوين كده ساعتها هتحس إنك بقيت بتقدر تفكر وتختار التخصص اللي هتكمل فيه.
وبالتوفيق ليكم